Loading…

“Nga kush erdhi vrasja”: Dhjetë ditë pas tragjedisë në Deçan, familjarët të shqetësuar

  • 06/12/2021 | 20:45

“Nga kush erdhi vrasja”: Dhjetë ditë pas tragjedisë në Deçan, familjarët të shqetësuar

Dy nxënës dhe shoferi i autobusit u vranë në Gllogjan të Deçanit me 26 nëntor.


Ata thonë se ende janë në pritje të ndonjë informacioni për rastin.

“Familja, brengën kryesore e ka zbulimin e rastit. Nga kush erdhi? Pyetja që çdo ditë bëjmë ne familjarët, vëllezërit, nëna e baba, pse dhe nga kush erdhi vrasja? Ta dimë arsyen. Nëse do t’i kishim pasur dikujt borxh ka pasur alternative tjera. Kjo për momentin është brenga më e madhe”, deklaroi për RTV Dukagjinin, Fatmir Gjokaj-familjar i shoferit të vrarë.

Gjokaj thotë se familja nuk është e kënaqur me institucionet shtetërore pasi sipas tij deri më tani së paku është dashur të ketë një pistë hetimi.

“ Kemi hyrë në ditën e 11-të dhe nuk ka asnjë pistë hetimi. Nuk e kemi asnjë informatë të vetme që tregon se është duke u bërë një pistë hetimi apo që ka të dyshuar. Shpresojmë se një ditë e vërteta do të dalë në dritë”, deklaroi tutje Gjokaj, përcjell Telegrafi.

Kryeministri i Kosovës, Albin Kurti, ka deklaruar se sasia e informacioneve për vrasjen e trefishtë në Gllogjan të Deçanit është duke u shtuar.

“Sasia e informacionit për vrasjen e trefishtë në Gllogjan të Deçanit është duke u shtuar, meqenëse hetuesit më të mirë tanë janë të përfshirë atje. Mirëpo kur të kenë diçka konkrete sa i përket të pandehurit ose të pandehurve që e kryen këtë vrasje të trefishtë mizore, ne natyrisht që do t’iu njoftojmë me kohë”, tha ai.

Nga Prokuroria e Pejës kanë thënë se hetimet janë duke vazhduar dhe se në këtë moment nuk mund të japin informacione tjera.

Qeveria ka ofruar shpërblim në vlerë 20 mijë euro, për këdo që jep informacione që dërgojnë në arrestimin e autorëve të krimit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë