Nesër raporti i BE-së për vizat dhe korrupsionin
-
08/11/2016 | 17:51
Zyra e BE’së për Kosovën, gjatë ditës së mërkurë do ta bëjë publik raportin e saj mbi Kosovën për vitin 2016.
Raporti i njohur ndryshe si raporti i progresit pritet të përmbajë pikat kryesore për çështjet në të cilat Kosova ka shënuar progres, ngecjet dhe sfidat në këto dhjetë vite.
Në ora 11:30 raporti pritet ti dorëzohet kryepralamentarit Kadri Veseli. Në orën 12:15 raportitn në duar do ta ketë edhe kryeministri IsA Mustafa, si dhe në orën 13:00 zyrtarë të BE’së, raportin për Kosovën pritet t’ia dorëzojnë edhe presidentit Hashim Thaçi.
Po ashtu rreth orës 13.00 do të mbahet edhe konferencë për shtyp nga Komisioneri për Politikën e Fqinjësisë dhe Negociatat e Zgjerimit Johannes Hahn në Bruksel.
Kujtojmë se vitin e kaluar “Raporti i Progresit” për Kosovën i Komisionit Evropian, kishte konstatuar si ngecje reformat në ekonomi dhe drejtësi.
Njëherësh, është kërkuar që të ketë më shumë rezultate në luftimin e krimit të organ izuar dhe korrupsionit. Kurse nga partitë politike ishte kërkuar që të heqin dorë nga dhuna dhe bllokimi i punës së Kuvendit./GazetaExpress/
