Nëse nuk kalon demarkacioni, shkohet në zgjedhje

Përgjegjësinë për ta kaluar demarkacionin me Malin e Zi, ministrja Edita Tahiri, ia ka hedhur koalicionit qeverisës.

Kryenegociatorja Tahiri ka deklaruar se ratifikimi i marrëveshjes së demarkacionit është pëgjegjësi kryekput e koalicionit qeverisës PDK-LDK dhe jo e opozitës, dhe nëse një gjë e tillë nuk bëhet, dhe parlamenti nuk arrin t’i kryej obligimet e veta, atëherë vendi duhet të shkoj në zgjedhje.

Tahiri në emisonin “Republika”, ka deklaruar se koalicioni duhet ta thotë fjalën e fundit dhe të përfundoj kjo çështje.

“Koalicioni duhet ta thotë fjalën e fundit dhe kjo qështje të kryhet, dhe natyrisht nëse kjo qështje nuk kryhet, dhe në qoftë se parlamenti nuk mund t’i kryej funksionet, si në çdo vend edhe këtu duhet të shikohet,dhe të shkohet në zgjedhje, kjo është e zakonshme kudo në botë” ka thënë Tahiri.