Loading…

Nënshkruhet Memorandumi mes QKK-së dhe EAVE-së në Berlinale (Foto)

  • 13/02/2017 | 17:16

Nënshkruhet Memorandumi mes QKK-së dhe EAVE-së në Berlinale (Foto)

Qendra Kinematografike e Kosovës dhe EAVE kanë nënshkruar sot Memorandumin e mirëkuptimit me qëllim të bashkëpunimit në ofrimin e edukimit audiovizual, për qytetarët e Kosovës, në platformën European Audiovisual Entreprneurs (EAVE).


EAVE, është trajnim profesional për zhvillimin e projekteve filmike dhe për krijmin e kontakteve mes producentëve nga e gjithë bota. Kjo platformë është themeluar në vitin 1988 për t’i bashkuar producentët nga vendet e ndryshme të botës me synimin e lehtësimit të marrëdhënieve për bashkëprodhim. EAVE ka për qëllim kontributin në krijimin e rrjeteve të fuqishme të kontakteve të cilat do të forcojnë prodhimin e pavarur në të gjithë botën. Ky është një trajnim intenziv për një vit, i ndarë në tri punëtori.

16602642_10154424101887525_288156220872692185_n

Përmes këtij Memorandumi përfitojnë producentët kosovar të cilët pranohen në EAVE duke iu dhënë mundësia të jenë pjesë e trajnimit kryesor në Evropë.

Rreth Memorandumit drejtori i QKK-së z. Arben Zharku u shpreh: “EAVE është një nga platformat më të rëndësishme për producentët e rinjë dhe nënshkrimi i kësaj marrëveshje ndihmon producentët kosovar që të fitojnë eksperiencë, të marrin dijeni dhe të lidhin kontakte me emrat dhe institucionet më eminente të Evropës.”

Ky Memorandum do të zgjas për 3 vite me mundësi të ripërtrirjes. /gazetametro.net

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë