Ndaj tre kosovarëve nis procesi gjyqësor në Gjermani

Në gjykatën e qytetit gjerman Passau, të hënën ka nisur procesi gjyqësor kundër tre kosovarëve që ka të bëjë me dy rrahje brutale të ndërlidhura. Ngjarja kishte ndodhur në qendër të qytetit në fjalë, në fund të gushtit të vitit 2015.

Të akuzuar për tentimvrasje të dyfishtë janë 3 meshkuj (21, 22 dhe 23 vjeç) të cilët jetojnë në Austri, të lindur në Kosovë, transmeton gazetametro.

Mirëpo, gjatë shqyrtimit gjyqësor dy të akuzuar nuk janë paraqitur fare në gjykatë, ndërsa më i riu ishte prezentë.

Autoritet gjermane të drejtësisë dyshojnë se kjo është taktikë e shokëve, për t’i shpëtuar më lehtë drejtësisë, ngase duke marrë parasysh kohën kur kishte ndodhur rasti ndaj më të riut zbatohen masa më të lehta ndëshkuese./gazetametro.net