Ndahet nga jeta gazetari i njohur kosovar

Kryetari i degës së PDK-së në Skenderaj, Sami Lushtaku, ka njoftuar se ka ndërruar jetë Kajtaz Gecaj.

Lushtaku shkruan se mëngjesi i sotëm solli lajmin për ndarjen nga jeta të gazetarit nga Skenderaj Gecaj.

“Kajtazi është pa dilemë prej gazetarëve më profesionistë nga gjenerata më e vjetër e gazetarëve të Drenicës”, ka shkruar tutje Lushtaku.

Postimi i tij i plotë:

Mëngjesi i sotëm solli lajmin për ndarjen nga jeta e gazetarit të njohur nga Skenderaj, Kajtaz Gecaj. Kajtazi është pa dilemë prej gazetarëve më profesionistë nga gjenerata më e vjetër e gazetarëve të Drenicës.

Karrierën e kishte filluar në të 70-tat si mësues në Qirez, për të vazhduar pastaj si gazetar në të përditshmen “Zëri”, e së fundi duke hapur një portal lokal. Duke e njohur personalisht, ai ishte profesionist i madh me një memorie të jashtëzakonshme. Urtësia e tij reflektonte në shkrimet me përmbajtje të thellë e argumentuese.

Ngushëllimet më të thella familjes, shoqërisë, dashamirëve e audiencës së Kajtazit.

Pushoftë në paqe!