Ndahet nga jeta aktori i njohur Miguel Ferrer (Foto)

Aktori i njohur amerikan, Miguel Ferrer, është ndarë nga jeta duke humbur kështu luftën me sëmundjen  e kancerit në rrugët e frymëmarrjes, shkruan CNN, transmeton gazetametro.net

Mediat botërore shkruajnë se aktori  ka humbur jetën  në moshën 61-vjeçare pasditen e së enjtes. Në momentet e fundit ai ka qenë i rrethuar nga miqtë dhe të afërmit.

Ai ka qenë i njohur për rolin e  tij si Owen Granger në serialin “NCIS: Los Angeles” apo si patologu i FBI-së, Albert Rosenfield, te “Twins Peaks”. Në 37 vite karrierë në kinematografi, ai ka luajtur në shumë filma si “Iron Man”, “RoboCop” apo në “American Dad”, “CSI” dhe “LateLine”. George Clooney, mik dhe kushëri me të ndjerin, ka pasur një marrëdhënie të veçantë me të. Pas humbjes së Miguel, ai i ka dedikuar disa fjalë.

“Sot historia do të shënojë ndryshime gjigante në botën tonë e një prej tyre është edhe  humbja e Miguel-it si pasojë e sëmundjes së kancerit.  Por ai nuk do të humbë kurrë për familjen e tij. Miguel e bëri botën më të ndritshme dhe humbja e tillë ndihet kaq shumë në familjen tonë. Ne do të të duam gjithmonë Miguel!”- është shprehur aktori i njohur  George Clooney./gazetametro.net