Loading…

NATO: Duhet të bisedojmë me Rusinë

  • 30/12/2016 | 19:21

NATO: Duhet të bisedojmë me Rusinë

Sekretari i përgjithshëm i NATO-s, Jens Stoltenberg, në një intervistë për agjencinë gjermane të lajmeve “DPA” ka folur për marrëdhëniet mes Aleancës dhe Rusisë.


“Sa i përket Rusisë mendoj se është e rëndësishme të flasim me rusët. Këtë e thonë edhe gjermanët. Nuk ka asnjë kontradiktë mes intimidimit, mbrojtjes dhe dialogut”, ka thënë Stoltenberg.

I pyetur se cila është sfida e NATO-s për vitin 2017 mes Rusisë dhe terrorizmit ndërkombëtar, Stoltenberg është përgjigjur:

“Janë dy gjëra shumë të ndryshme. Nga Rusia nuk vjen një rrezik konkret për një vend të NATO-s. Rusia është fqinji ynë dhe e tillë do të mbetet”.

“Ndërsa me terrorizmin do të na duhet të bashkjetojmë edhe në 2017-n, por qëllimi ynë është të shkatërrojmë ISIS”, ka shtuar Stoltenberg.

Shefi i Aleancës është pyetur edhe për pasojat e mundshme të presidentit pro-rus amerikan ndaj politikës së riarmatimit të NATO-s në Europën lindore.

“Pak javë më parë kam folur në telefon me Donald Trump. Më tha se e njeh detyrimin e tij ndaj NATO-s, ndaj kam besim se Shtetet e Bashkuara do t’i qëndrojnë besnike detyrimeve të tyre”, ka thënë Stoltenberg.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë