Mustafa u shpreh ngushëllime familjes Dvorani

Kryeminstri i Kosovës, Isa Mustafa u ka shprehur ngushllime familjes Dvorani nga fshati Terstenik i Drenasit për humbjen e dy djemëve.

Muhametini 8 vjeç dhe Mendimi 5 vjeç humbën jetën në një aksident trafiku në Novi Sad derisa ishin duke ardhur për vizitë në Kosovë nga Austria.

Në telegramin e kryeministrit Mustafa thuhet:

E nderuar Familje Dvorani,

Ne emër të Qeverisë së Republikës së Kosovës dhe në emrin tim personal, Ju shpreh ngushëllimet më të sinqerta për humbjen tuaj të pakompensueshme.

Aksidenti i rëndë tragjik ku humbën jetën Muhameti dhe Mendimi, na ka prekur thellë.

Qytetarët dhe Qeveria e Republikës së Kosovës bashkëndjejnë me Ju dhimbjen e madhe në këto momente të vështira.

Muhametit dhe Mendimit i qoftë i lehtë dheu i Kosovës.

Ngushëllime!