Mustafa e quan Ibrahim Rugovën ‘Njeri të Epokave’

Kryeministri i Kosovës, Isa Mustafa e ka përkujtuar ish-presidentin Ibrahim Rugova, për të cilin tha se ‘Rugova ishte arkitekt i pavarësisë, lider vizionar, personalitet frymëzues, të cilit s’ia dëgjoi kurrë askush një fjalë të keqe’.

Në 11 vjetorin e vdekjes së ish-udhëheqësit historik, Mustafa i dha atij epitetin e ‘Njeriut të Epokave’.

“Gjatë jetës së tij, Rugova na udhëhoqi drejt lirisë, pavarësisë dhe demokracisë, vendosi standardet më të larta në politikë, u bë mik i shquar i botës demokratike, ishte krijues kulminant dhe njeri shembullor…”, shkroi më tutje Mustafa në një publikim në Facebook, ku e bashkëngjiti edhe një fotografi me Rugovën. /gazetametro.net