Muri do të rrënohet

Duket se muri i ka ditët e numëruara, pasi kryeministri Isa Mustafa, nuk e ka ndërmend të heqë dorë nga rrëzimi i tij.

Pas takimit të sontëm në Bruksel, ai ka ripotencuar se muri nuk negociohet, dhe do të rrënohet.

“Sa i përket murit, e kemi bërë të qartë që po se nuk rrënohet nga ata që e kanë ndërtuar, ai do të rrënohet nga institucionet e Kosovës”, ka thënë Isa Mustafa.

Ndryshe, muri në veri të Mitrovicës po qëndron akoma pranë urës, ani pse janë bërë mbi një muaj që është ndërtuar, dhe i njëjti ka bllokuar punimet në rivitalizimin e urës së Ibrit, që është projekt edhe i BE’së./gazetametro.net