Loading…

‘Mund ta kisha mbyllur karrierën me Juventus’: Drogba zbulon për herë të parë detajet

  • 01/07/2022 | 09:39

‘Mund ta kisha mbyllur karrierën me Juventus’: Drogba zbulon për herë të parë detajet

Ish-sulmuesi i famshëm, Didier Drogba, ka zbuluar detaje mjaft interesante në lidhur me një kalim të mundshëm të tij te Juventus. I ftuar në një event të mbajtur në Sorrento të Italisë ai ka treguar se kishte pasur mundësi të mbyllin karrierën e tij te ‘Zonja e Vjetër’, transmeton Gazeta Metro.


Një ndër sulmuesit më të mirë në histori të futbollit është pa dyshim edhe Didier Drogba, ai do të mbahet mend gjatë për golat e tij në Premier League me Chelsean, ku jo rrallë herë mbrojtësit kundërshtarë e kishin konsideruar edhe si futbollistin më të vështirë me të cilin janë përballur.

Por, edhe pse asnjëherë nuk luajti në Serie A 44-vjeçari ka deklaruar së fundmi se është bërë pishman që nuk e ka pranuar Juventusin, ndërsa ka ngacmuar edhe gazetarët italianë duke thënë se do të shënonte edhe në Itali gola.

”Mund ta kisha mbyllur karrierën time te Juventusi. Ishim shumë pranë, por në fund nuk funksionoi dhe as vetë nuk e kuptoj ende sot e kësaj dite arsyen. Gjithsesi, njësoj kishin dështuar edhe negociatat me Inter më herët. Tani që mendoj, do të më kishte pëlqyer dhe jam bërë pishman që nuk e kam pranuar Juventusin apo ndonjë klub tjetër italian. Duhet ta kisha testuar veten time edhe në Serie A, ndonëse ndonjë gol aty te ju do ta kisha shënuar besoj,” tha ai.

Drogba pothuajse në të gjithë karrierën ka luajtur te Chelsea, por ka qenë edhe pjesë e ekipeve si Marseille, Guningamp, Galatasaray, Phoenix Rising, Shanghai Shenhua, Montreal Impact. Ai ka realizuar 297 gola në 679 ndeshje në të gjitha garat me këto skuadra. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë