Moti i ftohtë vështirëson punën e ekipeve të shpëtimit në në Turqi dhe Siri

Kushtet e vështira të motit po pengojnë përpjekjet e ekipeve të emergjencës për të shpëtuar të bllokuarit nën rrënoja në Turqi dhe Siri duke rrezikuar mijëra jetë njerëzish, shtëpitë e të cilëve u shembën nga tërmeti këtë të hënë.

Familjet e zhvendosura në veriperëndim të Sirisë dhe familjet e refugjatëve sirianë që jetojnë në Turqi, kryesisht në vendbanime kalimtare janë më të rrezikuarat pasi temperaturat vazhdojnë të bien gjatë natës në vlera ekstreme.

Fotot e shkrepura nga qytetet e goditura nga tërmeti në Turqinë juglindore tregojnë familjet që grumbullohen pranë vatrave të zjarrit për t’u ngrohur.

Dëshmitarët në veriperëndim të Sirisë u shprehën për CNN se kushtet atje janë të tmerrshme, pasi tërmeti ka lënë pas mijëra viktima ndërkohë që të mbijetuarit vijojnë të flenë në rrugë.