Mot i vranët sot në Kosovë, nga nesër ndryshon gjithçka

Gjatë ditës së sotme pritet që të jetë mot kryesisht me vranësira mbi Kosovë njofton gazetametro.net.

Moti sot mbi Kosovë do të jetë me vranësira, kurse pasdite do të ndryshojë gjithçka dhe priten edhe reshje lokale shiu, në disa vende malore pritet që të shoqërohet edhe me bubullima.

E nga dita e mërkurë, fusha të fuqishme anticiklonike që ndodhen mbi Europën lindore, do të shtrihen mbi vendin tonë duke favorizuar mot më stabil, derisa masa të ngrohta ajrore nga Afrika veriore që do të shtrihen mbi rajon, do të rrisin temperaturat ndjeshëm mbi vlera mesatare, njofton gazetametro.net.

Temperaturat e ajrit, mbesin të larta, ndjeshëm mbi vlera mesatare, me tendencë të rritjes së mëtutjeshme.

Do të fryejë erë mesatarisht e fuqishme dhe fuqishme nga juglindja 5-15m/s./gazetametro.net