Momenti kur policia tenton të nxjerrë nga gjykata Frashër Krasniqin (Video)

Kryetari i trupit gjykues ndaj të akuzuarve të Lëvizjes Vetëvendosje për terrorizëm, Beqir Kalludra, gjatë seancës së sotme, ka urdhëruar Policinë e Kosovës që të largoj nga seanca aktivistin Frashër Krasniqi, pasi ky i fundit nuk i përgjigjej pytjeve të  gjykatësit.

Krasniqi refuzoi t’i përgjigjej pyetjes së gjyqtarit nëse e pranon fajësinë apo jo duke kërkuar të sqaroj më tepër rreth padrejtësisë në rastin e tij.

Kur Policia është ngritur për ta larguar Krasniqin nga seanca, avokati mbrojtës i këtij të fundit ndërhyri duke kërkuar që të akuzuarit t’i jepej e drejta e fjalës, së paku një minut.

Pas kësaj, gjyqtari pajtohet dhe i jep Krasniqit të drejtën që të flasë shkurt.

“Me u arrestu prej krimineleve, është nder për neve sepse tregon qe jemi duke ua nxanë rrugën”, ka thënë Krasniqi, në fjalimin e tij, i cili ishte më shumë fjalim politik, se sa mbrojtje për akuzat me të cilat e ngarkon Prokuroria.

Krasniqi, dhe të tjerët akuzohen për sulmin ndaj Kuvendit të Kosovës. /gazetametro.net