Loading…

Momenti i aksidentit fatal që i mori jetën 28 – vjeçares

  • 07/01/2017 | 08:11

Momenti i aksidentit fatal që i mori jetën 28 – vjeçares

Ky është momenti i përplasjes së dy automjeteve, në aksidentin e ndodhur pak pas mesnate më 5 Janar në Laprakë.


Nga përplasja e humbi jetën një vajzë e re dhe tre persona të tjerë mbetën të plagosur.

Në videon pak më lart tregohet momenti kur makina që drejtohej nga Ervin Bixhi, një fuoristradë “Jeep Cheroke” nuk respekton semaforin në kryqëzim dhe futet papritur, duke i prerë rrugën automjetit tjetër që po vinte, një tjetër fuoristradë në të cilën lëvizte oficeri i policisë, Gjergj Koliqi.

Pamjet tregojnë që përplasja është kaq e fortë sa automjeti i 26 – vjeçarit Bixhi, përfundon në anën tjetër të rrugës duke u përplasur me një biznes që ndodhej anë të rrugës.

Ngjarja e rëndë u shënua rreth orës 00:36 në rrugën “Dritan Hoxha”.

Si pasojë e aksidentit humbi jetën 28 – vjeçarja Xhenis Trebeshina, ndërsa e plagosur mbeti Flavia Furriku, të dyja pasagjere në mjetin që drejtohej nga Ervin Bixhi. Edhe ky i fundit mbeti i plagosur. Ai u arrestua pak orë më vonë nga policia pasi akuzohet se drejtonte mjetin në gjendje të dehur.

I lënduar mbeti edhe oficeri i policisë së Tiranës, 42 – vjeçari Gjergj Koliqi.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë