Loading…

Momentet kritike të koalicionit, mediat ‘rrethojnë’ PDK’në (Foto)

  • 05/05/2017 | 12:59

Momentet kritike të koalicionit, mediat ‘rrethojnë’ PDK’në (Foto)

Partia Demokratike e Kosovës, ka rritur interesimin e opinionit publik pas thirrjes së mbledhjes urgjente të Kryesisë, që vjen pas procedimit në Kuvend të mocionit të votëbesimit për qeverinë nga ana e tri partive opozitare, VV-AAK-Nisma.


E gjithë vëmendja e medias në vend është përqëndruar te selia e PDK’së në sheshin Nëna Terezë, pasi kjo parti ka thirrur mbledhje urgjente të Kryesisë, ku do të diskutohet mocioni i votëbesimit të qeverisë, dhe mundësitë e shkuarjes në zgjedhje të parakohëshme, shkruan gazetametro.net.

Edhe pse kjo mbledhje është thirrur për në ora 12:00, ajo nuk ka filluar ende.

Mbledhja e kryesisë së PDK’së, po mbahet para asaj të Kryesisë së Kuvendit, që është thirrur në ora 14:00, e ku pritet të caktohet seanca e votimit të mocionit të opozitës.

Këtë mocion përveç deputetëve të opozitës e kanë nënshkruar edhe një pjesë e deputetëve të koalicionit qeverisës, PDK dhe minoritetet, duke ja bërë të mundur opozitës procedimin e këtij mocioni në Kuvend. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë