Molliqaj ka dy pyetje për Shpend Maxhunin e Agron Mustafën

Sekretari organizativ i Lëvizjes Vetëvendosje, Dardan Molliqaj, ka bërë dy pyetje publike për drejtorin e Policisë së Kosovës, Shpend Maxhunin si dhe drejtorin e kompanisë VALA, Agron Mustafën.

Molliqaj në rrjetin e tij social Facebook, për këta dy emra, ka bërë pyetjet e poshtëshënuara:

• A është e vërtetë që djali juaj (i Shpend Maxhunit) është punësuar në kompaninë VALA në 3 muajt e fundit?
• A është e vërtetë që Policia e Kosovës i ofron mbrojtje personale 24 orë Agron Mustafës, si këmbim për favorin e mësipërm. Mbrotje të tillë nga Policia kanë jashtëzakonisht pak personalitete. Pse pikërisht Agron Mustafa?

“Nuk ka më asnjë dilemë që Policia, kompania VALA dhe ndërmarrjet e institucionet e tjera publike po përdoret për favore personale të klanit Pronto. Situata është shumë shqetësuese nëse policia e shtetit është shndërruar në polici personale”, ka vazhduar Molliqaj, transmeton gazetametro.net.

E sipas tij situatë mund të ndryshohet vetëm me shpërbërjen e klanit Pronto.

“Kjo do të ndodhë shumë shpejt nga pushteti i ri në Kosovë”, ka përfunduar ai. /gazetametro.net.