Mogherini raporton për vizitën e saj në Kosovë

Këshilli i Ministrave të Jashtëm të Bashkimit Evropian, do të shqyrtojë të hënën, më 6 mars, situatën në Ballkanin Perëndimor.

Në këtë takim, shefja e diplomacisë evropiane, Federika Mogherini, do t’i lajmërojë ministrat për rezultatet e vizitës së saj në rajon.

Pritet që Këshilli të miratojë konkludimet, të cilat do të jenë baza për raportin të cilin liderët e 28 vendeve anëtare do ta miratojnë për Ballkanin Perëndimor në samitin më 9 dhe 10 mars në Bruksel.

Pjesë e raportit të saj do të jetë edhe vizita në Kosovë, ku Mogherini takoi presidentin Hashim Thaçi, kryeministrin Isa Mustafa, kryeparlamentarin Kadri Veseli, e madje edhe partitë opozitare të vendit.

Mogherini porositi që deputetët e Kuvendit të Kosovës të votojnë marrëveshjen për Demarkacionin me Malin e Zi, që është edhe kusht për liberalizimin e vizave për shtetasit kosovarë. /gazetametro.net