Mogherini: Do të ketë takime më të shpeshta të nivelit të lartë

Pas përfundimit të takimit në Bruksel, është prononcuar edhe përfaqësuesja e lartë e BE’së, Federica Mogherini, me ç’rast ajo është shprehur e kënaqur me rrjedhën e gjithë takimit.

Sipas saj, ky ishte një takim i hapur dhe konstruktiv, ku pati pajtime që tensionet e ditëve të fundit të ulen.

“Ishte një takim i hapur dhe konstruktiv. U pajtuam që të lëmë pas tensionet e ditëve të fundit dhe të fokusohemi në punën në të ardhmen”, ka thënë Mogherini.

Ajo ka bërë të ditur se palët janë pajtuar që të vazhdohet dialogu me përfaqësim të lartë dhe se do të ketë intensifikim të takimeve në ditët në vazhdim.
“Të dy palët u pajtuan që ta vazhdojnë dialogun dhe ta intensifikojnë atë në ditët në vazhdim.”, thuhet në komunikatën e përfaqësueses së BE’së./gazetametro.net