Loading…

Ministrja e jashtme britanike: Shqipëria pjesë e hartës së rrezikut rus

  • 20/02/2022 | 10:13

Ministrja e jashtme britanike: Shqipëria pjesë e hartës së rrezikut rus

Tensionet mes Rusisë dhe Ukrainës janë kthyer në një shqetësim ndërkombëtar për shkak të presionit që po ushtrohet së fundmi nga ana e presidentit rus Vladimir Putin.


Në një intervistë të dhënë për mediat, ministrja e Jashtme e Britanisë së Madhe, Liz Truss, ka paralajmëruar se Vladimir Putin do të vazhdojë luftën me vendet fqinje, nëse lejohet të pushtojë Ukrainën.

Ndërkohë një ditë më parë presidenti rus ka bërë një shfaqje të madhe të fuqisë ushtarake me stërvitjet bërthamore që përfshinin raketa balistike, nëndetëse dhe autokolona tankesh. Në kuadër të kësaj stërvistje zyrtarja britanike ka bërë thirrje që komuniteti ndërkombëtar të bashkohet për të përballuar agresionin e Moskës.

Në intervistën e saj Truss ka theksuar se nëse Putin do të sulmonte Ukrainën do të ishte një pararendës që Rusia të përdorte forcën për të aneksuar më shumë ish-shtete sovjetike.

”Ne duhet të ndalojmë Putinin, sepse ai nuk do të ndalet në Ukrainë. Ai ka qenë shumë i qartë  ambicia e tij nuk e çon vetëm në marrjen e kontrollit të Ukrainës, ai dëshiron ta kthejë kohën pas në mesin e viteve 1990 apo edhe para kësaj”, ka thënë ajo.

Ndër të tjera në analizën e saj ajo shprehet se në rrezik për një mbizotërim rus kanë dhe vendet baltike dhe atotë Ballkanit Perëndimor.

“Shtetet baltike janë në rrezik… edhe Ballkani Perëndimor. Putini i ka thënë të gjitha këto publikisht, se ai dëshiron të krijojë Rusinë e Madhe, se ai dëshiron të kthehet në situatën siç ishte më parë, ku Rusia kishte kontroll mbi zona të mëdha të Evropës Lindore. Pra, është kaq e rëndësishme që ne dhe aleatët tanë t’i kundërvihemi Putinit. Mund të jetë Ukraina javën e ardhshme, por cili vend do të jetë më pas?’, është shprehur zyrtarja britanike.

Deklaratat e sekretares së Jashtme erdhën menjëherë pas pralajmërimit që kryeministri britanik Boris Johnson bërë më parë, se një pushtim rus i Ukrainës mund të shkaktojë “shkatërrimin e një shteti demokratik dhe tronditjet do të ketë jehonë në mbarë botën”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë