Loading…

Ministrja e Arsimit i komenton Rron Gjinovcit në Facebook, ‘mazamakeq’ çka i bën gjuhës shqipe

  • 25/06/2022 | 11:32

Ministrja e Arsimit i komenton Rron Gjinovcit në Facebook, ‘mazamakeq’ çka i bën gjuhës shqipe

Drejtori i Organizatës për Rritjen e Cilësisë në Arsim, Rron Gjinovci, ka vazhduar kritikën e tij ndaj profesorëve plagjiatorë të Universitetit të Prishtinës.


Në njërin nga reagim e tij në Facebook, Gjinovci po akuzon partinë e Vetëvendosjes që edhe në kohën kur ajo po udhëheq po zgjedhën profesorë me akuza për plagjiaturë në organet drejtuese të Universitetit.

Por, kësaj deklarate të Gjinovcit, ministrja e Arsimit, Arbërie Nagavci, ka vendosur që t’i përgjigjet me replikë, duke komentuar në profilin e tij në Facebook.

Edhe vetë Nagavci u shfaq kritikuese për nivelin dhe integritetin e profesorëve, por as ajo nuk tregoi nivel të lartë në shkrim.

Në replikë Nagavci bëri disa gabime themelore drejtshkrimore. Në vend të “qofshin”, Nagavci e shkroi “çofshin” apo në vend të “përcillni”, ministrja e Arsimit shkruan “përcjellni”. Ngatërrim tjetër të shkronjave ajo bëri në fjalën “radhët”, të cilën e shkroi me “rr”. Përveç gabimeve drejtshkrimore, Nagavcit i iki edhe një teknik. Studentëve iu referua si “sditentëve”, derisa akronimin “UP” në disa raste nuk e ka shquar.

Përgjigjja e Nagavcit ishte për këtë deklaratë të Gjinovcit:

“Çfarë mendoni për plagjiaturën e Selim Bezerajt, anëtar i ri i Këshillit Drejtues, po për atë të Bujar Dugollit, po për atë të Ardian Kastratit? Si e shpjegoni që organizata studentore e VV-së, SKV-ja është në koalicion me një organizatë të dyshimtë? Nga i morën votat aq masive plagjiatori Selim Bezeraj dhe anëtari i VV-së Rifat Krasniqi të cilët në të 3 raundet kishin vota bllok (më së shumti nga të gjithë të tjerët)? Gjithë ato vota nuk mund t’i merrnin pa votat e senatorëve studentë. Në fund të fundit i keni 50%, për çdo gjë që nuk shkon në vendin tonë jeni të paktën përgjegjës nëse jo fajtorë. #zhgënjim”, kishte shkruar Gjinovci, duke shpërndarë një postim në Facebook të Nagavcit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë