Ministria publikon çmimet për derivate për 24 orët e ardhshme, nafta lirohet për 1 cent kurse benzina për 2 cent
-
06/07/2022 | 08:46
Ministria e Industrisë, Ndërmarrësisë dhe Tregtisë (MINT) ka publikuar limitin për çmimet e karburanteve për 24 orët e ardhshme në Kosovë, shkruan Gazeta Metro.
Sipas njoftimit të MINT, çmimi ka ndryshuar shumë pak nga 24 orët e kaluara.
Çmimi maksimal i lejuar i produktit Dizel është: 1.78 € për litër;
Çmimi maksimal i lejuar i produktit Benzinë është: 1.74 € për litër;
Çmimi maksimal i lejuar i produktit Gas është: 0.78 € për litër.
Çmimet e lartëcekura vlejnë për datën 06/07/2022 prej orës 10:00 dhe janë valide 24 orë nga data dhe ora e publikimit.
Ditë më parë, Qeveria e Kosovës vendosi për vlerën se sa mund të fitojnë kompanitë e shitjes së derivateve. Fitimi është 12 centë për shitjet me pakicë, ndërsa 2 centë për shitjet me shumicë.
Shoqata e Naftëtarëve të Kosovës i kishte dërguar letër Qeverisë së Kosovës me anë të së cilës kërkojnë që marzha të caktohet duke u bazuar në nivelet e çmimeve aktuale. /gazetametro.net
