Loading…

Ministri i jashtëm grek viziton Kosovën në këtë datë

  • 30/05/2021 | 20:36

Ministri i jashtëm grek viziton Kosovën në këtë datë

Ministri i Jashtëm i Greqisë, Nikos Dendias, do të vijë në Kosovë për një vizitë zyrtare më 4 qershor.


Kështu ka mësuar portali klankosova.tv nga burimet e veta.

Dendias do të pritet nga kryediplomatja kosovare Donika Gërvalla, por ende nuk dihet agjenda e plotë e tij.

Greqia është një nga pesë shtetet e Bashkimit Europian që ende s’e njohin pavarësinë e Kosovës. Megjithatë, shteti grek ka thënë se do të ndihmojë Kosovën në përpjekjen e saj për liberalizimin e vizave.

Po ashtu, Greqia dhe Kosova së fundmi kanë thelluar bashkëpunimin në sektorin ekonomik. Ministritë e jashtme të dy vendeve kanë mbajtur forumin e tretë ekonomik Kosovë-Greqi me fokus në sektorin e energjisë gjatë muajit prill.

Afrimin e marrëdhënieve mes Kosovës dhe Greqisë e ka parë si lajm jo të mirë presidenti serb Aleksandar Vuçiq.

”Meqenëse ka pasë disa ndryshime në marrëdhënie, unë pres të shoh nëse është vetëm një zyrë tregtare apo diçka më shumë midis Greqisë dhe Kosovës, siç thonë ata. Ne do të shohim se si do të shkojë, kështu që do të informojmë publikun”, kishte thënë Vuçiq.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë