Minatorët do marrin pagat: 1 milionë eurot e Qeverisë kalojnë në llogaritë e Trepçës

Pas ngujimit të më shumë se 300 minatorëve për shkak të mos dhënies së pagave, ministri i Ekonomisë dhe Ambientit, Blerim Kuçi ka njoftuar se janë ekzekutuar 1 milion euro për minatorët e Trepçës, shkruan Gazeta Metro.

Ministri Kuçi ka njoftuar se ka ekzekutuar ndihmën financiare për Trepçën, në vlerë prej 1 milion eurosh, ai përmes Facebookut ka njoftuar se 100 mijë eurot e tjera do të transferohen më vonë.

“Minsitria e Ekonomisë dhe Ambientit në mëngjesin e sotëm ka ekzekutuar ndihmën financiare për Trepçën, në vlerë prej 1 milion eurosh. Kjo ndihmë u ekzekutua sot për shkak të teknikaliteteve të bartjes së mjeteve në Ministrinë e Ekonomisë dhe Ambientit. Duhet të sqarohet që pjesa prej 100,000 eurosh, që e kompleton ndihmën prej 1.1 milionë euro, do të ndahet gjatë javës tjetër”, ka shkruar Kuçi.

Po ashtu ky lajm u bë i ditur edhe me anë të një komunikate për media nga ministria e Ekonomisë.

MF thotë se kjo ndihmë u ekzekutua sot për shkak të teknikaliteteve të bartjes së mjeteve në Ministrinë e Ekonomisë dhe Ambientit.//gazetametro.net