Loading…

Miftaraj kërkon reagim nga institucionet e vendit dhe faktori ndërkombëtar: Futja e veriut në karantinë me urdhër të Serbisë është vepër penale

  • 04/04/2020 | 17:53

Miftaraj kërkon reagim nga institucionet e vendit dhe faktori ndërkombëtar: Futja e veriut në karantinë me urdhër të Serbisë është vepër penale

Komuna veriore e Mitrovicës dhe Zveçani, me urdhër të qeverisë serbe janë futur në karantinë, gjë që konsiderohet ndërhyrje në territorin e shtetit të Kosovës, shkruan Gazeta Metro.


Këtë e ka komentuar edhe drejtori i Institutit të Kosovës për Drejtësi (IKD), i cili ka thënë për Gazetën Metro se Republika e Serbisë po shfrytëzon situatën që ka krijuar pandemia COVID-19, për të shkaktuar tension në Republikën e Kosovës.

Miftaraj tutje thotë se institucionet e vendit kanë marrë masa prevetive për të gjithë territorin e Kosovës, gjë që duhet të aplikohen edhe në veri, çdo urdhër tjetër që vjen nga një shtet tjetër, është vepër penale qoftë nga ana e kryetarëve të komunave, por edhe të personave të tjerë.

“Në bazë të Kushtetutës së Kosovës pa dyshim që pjesa veriore e Kosovës duhet të kontrollohet nga institucione të Republikës së Kosovës, në këtë drejtim qasja e fundit e Serbisë për të shpallur pjesën veriore dhe futur në karantinë, pa dyshim që do të duhej të ketë reagim jo vetëm nga institucionet e Kosovës, por edhe nga faktori ndërkombëtar. Pa dyshim që urdhrat që vijnë nga një shtet tjetër, duhet injoruar në radhë të parë nga ana e kryetarëve të komunave në pjesën veriore të Kosovës, në anën tjetër edhe qytetarët e asaj pjese nuk duhet zbatuar. Për tërë Republikën e Kosovës tani më veç janë marra masa nga ana e institucioneve të Kosovës, përfshirë Ministrinë Shëndetësisë. Andaj, ligjet e aplikueshme, politikat të aplikueshme edhe në pjesën veriore janë ato të Republikës së Kosovës. Çdo urdhër tjetër që vjen nga një shtet tjetër, pa dyshim që është vepër penale qoftë nga ana e kryetarëve të komunave, por edhe persona të tjerë që iu binden politikave të një shteti tjetër në territorin e Republikës së Kosovës”, ka thënë Miftaraj.

Nga ana tjetër, zëdhënësi i Qeverisë në detyrë, Përparim Kryeziu, ka thënë se Ministria e Shëndetësisë është e përfshirë në situatën emërgjente të shëndetit publik në Mitroviën e Veriut dhe në Zveçan, duke shtuar se ministri Vitia është në komunikim të rregullt dhe të vazhdueshëm me kryetarët dhe autoritetet përgjegjëse në këto komuna.

“Ministria e Shëndetësisë është plotësisht e përfshirë në situatën e emergjente të shëndetit publik në komunën veriore të Mitrovicës Veriore dhe Zveçan. Ministri Vitia është në komunikim të rregullt dhe të vazhdueshëm me kryetarët dhe autoritetet përgjegjëse në këto komuna”, ka thënë Kryeziu.

Kujtojmë se së fundmi janë konfirmuar edhe pesë raste ë reja me koronavirus në vendbanimet me shumicë serbe në Kosovë, duke çuar kështu numrin e përgjithshëm në 23. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë