Loading…

‘Mësimdhënësit s’mund të ndëshkohen me paga pa u shpallë e paligjshme greva’

  • 05/10/2022 | 18:58

‘Mësimdhënësit s’mund të ndëshkohen me paga pa u shpallë e paligjshme greva’

Ish Avokati i Popullit, Hilmi Jashari, ka folur rreth asaj se a ka të drejtë qeveria t’ua ndalë pagat mësimdhënësve.


Ai tha se ligji për grevat e përjashton mundësinë e masave kufizuese, edhe në aspektin material.

“Ligji për grevat e jep një sqarim të saktë dhe të qartë, i cili në një dispozitë e saktëson që nuk mund të ketë masa kufizuese-represive, përfshirë masat disiplinore, pastaj masat tjera materiale që nënkupton të mirat materiale në formën e pagës dhe kategoria e tretë është suspendimi apo largimi nga marrëdhënia e punës. Të tri këto institucione juridike, ligji për gevat i ka futur në mbrojtje dhe mund të themi që është në pajtim me standardet ndërkombëtare”, tha në T7.

Ai foli edhe për nenin, në të cilin është bazuar ministri Murati për mosekzekutimin e pagave për mësimdhënësit.

“Bëhet fjalë për detyrime, sepse është normale përderisa punonjësit janë në grevë nuk mund t’i ushtrojnë detyrimet që i kanë në bazë të kontratës. Por nuk mund të flitet për pagesa, sepse ligji për vetëqeverisje lokale, në mënyrë eksplicite, thotë se është kompetencë ekskluzive e komunave”, tha ai.

Jashari tha se ky procës ka mundur të shkojë në gjykatë, lidhur me ligjshmërinë e grevës.

“Secili punëdhënës në këtë rast ka mundur të sfidojë para institucioneve gjyqësore ligjshmërinë e grevës, sepse në rastet kur kemi greva të paligjshme sigurisht pasojnë dënimet, gjobat. Mirëpo nëse nuk është kontestuar asnjëherë ligjshmëria e konventës, nuk mundesh pastaj, mbi bazën e këtij parimi për të lejuar, sepse heshtja për një kohë kaq të gjatë dhe moskontestimi i ligjshmërisë së grevës nënkupton që ti je pajtuar në heshtje me ligjshëmrinë e grevës, duke e konsideruar të ligjshme nëse ti se ke kontestu. Në momentin që ti nuk e kontestu dhe nuk e ke shpallë të paligjshme nuk mund të vësh sanksione të tilla, pavarësisht paralajmërimit se nuk do të paguhen”, tha ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë