Loading…

Merkel: 30 shtatori është shans historik

  • 08/09/2018 | 13:55

Merkel: 30 shtatori është shans historik

Në fillim të fjalimit, kancelarja tha se “gëzohet që është në Shkup, edhe atë në një ditë të veçantë, dhe shfrytëzoj rastin t’ju uroj ditën e pavarësisë dhe më gëzon që tashmë 25 vite kemi marrëdhënie diplomatike mes dyja vendeve”.

“Askush nuk ju kanoset qytetarëve të Maqedonisë me izolim. Ata mund dhe duhet që vet të vendosin për të ardhmen e shtetit. E ardhmja mund të jetë anëtarësimi në NATO dhe të bëhet pjesë e BE-së, nëse keni sukses në referendumin e 30 shtatorit. Por, sigurisht, duhet të thuhet se ka parakushte të caktuara që duhet të plotësohen”, tha Angela Merkel në konferencën e përbashkët në Qeverinë e Maqedonisë.

“Ekzistonte kontest midis vendit tuaj dhe Greqisë dhe duhej të gjindet zgjidhje. Pët këtë shkak çështja e emrit është edhe çështje e anëtarësimit. Kjo është çështje që nuk është e lidhur me Qeverinë, por me atë se të gjitha vendet anëtare duhet të pajtohen me të. Qytetarët më 30 shtator kanë mundësi, ashtu sikurse para 27 viteve, të votojnë se a dëshirojnë të jenë pjesë e familjes së BE-së dhe NATO-s, dhe kjo kërkon pranimin e marrëveshjes me Greqinë”, tha kancelarja gjermane Angela Merkel, përcjell Telegrafi Maqedoni.

Ajo tha mesazh të qartë politik – mos rini në shtëpi më 30 shtator, në këtë ditë historike, shfrytëzojeni mundësi dhe tregoni se çfarë ardhmërie dëshironi të keni.

Duke u përgjigjur në pyetje të gazetarëve Merkel tha se sot nuk do të takohet me Kryetarin Ivanov, por se do të ketë takim me kryetarin e opozitës, ku do t’ja përcjell të njëjtat mesazhe që ia drejtoi Kryeministrit Zaev.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë