Loading…

Mediat ruse: Shqipëria në emër të Thaçit do e padisë Serbinë për gjenocid

  • 14/02/2017 | 12:43

Mediat ruse: Shqipëria në emër të Thaçit do e padisë Serbinë për gjenocid

Tirana dhe Prishtina janë bërë së bashku në një aksion politik të paprecedentë, shkruajnë mediat në Rusi.


Agjencia e lajmeve ruse Sputnik, bën të ditur se Shqipëria do të ngrisë një akuzë zyrtare ndaj Serbisë për gjenocid, përcjell gazetametro.net.

Akuzën zyrtarisht do ta formulojë Prishtina zyrtare, por do të jetë Shqipëria e cila do ta dorëzojë në Hagë meqë është anëtare e  OKB-së.

Sputnik thekson se kjo është ‘maja e Ajsbergut’, pasi aktorët kryesorë kundër të cilit Prishtina ka përgatitur padi, janë gjeneralë, oficerë dhe komandantë të ushtrisë serbe që kanë qenë në krye të operacioneve gjatë luftës në Kosovë.

Prokuroria Speciale e Kosovës ka lëshuar urdhër arreste për 57 serbë që dyshohet se kanë kryer krime lufte kundër civilëve shqiptarë në Gjakovë, Reçak, Drenicë.

Agjensia e lajmeve ruse Sputnik, shkruan se fletarrestet për këta serbë, janë pjesë e një plani më të gjerë të Hashim Thaçit, i cili nuk ka hequr dorë nga ideja që Serbia duhet paditur për gjenocid në Kosovë.

Prishtina ka për qëllim të ngrejë padi për përgjegjësinë e komandës në Beograd. Kjo sipas një precedenti të mëparshëm, me vendimet e Hagës dhënë ndaj serbëve për rastin e gjenocidit në Bosnjë.

Burime të Sputnik thonë se Prishtina ka angazhuar një ekip ekspertësh ligjorë dhe se Gjykata Speciale për krime të luftës në Kosovë do të përdoret si trampolinë për qëllimet e tyre./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë