‘Me Vjosën’ edhe Avdullah Hoti, ish kandidati për kryeministër i LDK’së
-
26/08/2019 | 17:51
Ish kandidati për kryeministër nga radhët e Lidhjes Demokratike të Kosovës (LDK), Avdullah Hoti, ka bërë një status në profilin e tij zyrtar në Facebook, duke harruar kontradiktat e kaluara me Vjosa Osmanin, transmeton Gazeta Metro.
Më herët gjatë ditës, kryesia e LDK-së vendosi që t’i jepte Vjosa Osmanit besimin për të qenë kandidate për kryeministre nga radhët e kësaj partie, të gjithë siç pritet prej një partie në fushtaë dalin në një front të përbashkët.
Kjo duket se e ka mobilizuar edhe Avdullah Hoti që t’i dalë në mbështetje të hapur e të pa rezervë Vjosa Osmani. Pas statusit ku shkruante thjesht “Me Vjosën”, ai publikoi edhe disa fotografi të tjera ku shihej derisa përqafohej me zonjën Osmani Sadriu, duke shkruar emocionalisht “Na priftë e mbara”.
