Mbyllen lokalet e lojërave të fatit, u maskuan i ‘Rrobaqepës’ (Foto)

Dogana e Kosovës, ka identifikuar se në Lagjen Dardania të Prishtinës, ndodhen dy lokale të cilat operojnë me lojëra ilegale të fatit dhe ka ndërmarrë një kontroll për zbulimin e tyre.

Këto lokale, kishin tentuar të kamufloheshin duke u proklamuar si tjetër biznes.

“Të dy lokacionet e dyshuara kishin ndërruar pamjet e jashtme të lokalit duke tentuar të kamuflojnë aktivitetin ilegal, njëri operonte nën emrin “Rrobaqepës” deri lokali tjetër nën emrin “Counter Strike”.  Kontrolli i ushtruar ka gjetur duke operuar një pike basti të pa-licencuar si dhe janë zbuluar lojëra të ndaluara “Keno” dhe “Racing Dogs” në të dy lokacionet”, thuhet në një njoftim të Doganës.

Ky institucion më pas ka sekuestruar pajisjet e pa licencuara dhe ndaj personave përgjegjës do të inicioje procedurën kundërvajtëse.