Loading…

Malisheva përkujton të vrarët në masakrën e vitit 1990

  • 30/01/2017 | 12:51

Malisheva përkujton të vrarët në masakrën e vitit 1990

Sot, në Malishevë, me homazhe dhe nderime, janë përkujtuar të rënët e “Masakrës së Malishevës”, e 30 janarit të vitit 1990.


Në këto homazhe dhe nderime, krahas familjarëve, morën pjesë edhe nënkryetari i Komunës së Malishevës, Rexhep Mazreku, i shoqëruar nga drejtorët e drejtorive komunale dhe personalitete e qytetarë të tjerë.

Më 30 janar të vitit 1990, në qendër të Malishevës, gjatë protestave popullore, për të drejtat e popullit shqiptar në Kosovë, kundër regjimit serb dhe kundër sistemit të asaj kohe, policia serbe, ka hapur zjarr mbi popullatën, ku janë vrarë Hysni Mazreku dhe Ali Kryeziu, derisa dhjetëra të tjerë janë plagosur, torturuar dhe maltretuar, transmeton Klan Kosova.

Në fjalën e rastit, për këtë ngjarje ka folur nënkryetari i Komunës së Malishevës, Rexhep Mazreku, i cili, pasi nderoi dëshmorët Kryeziu e Mazreku, tha se “kjo ishte një prej ngjarjeve më të rëndësishme të asaj kohe, pasi për herë të parë, është shënuar edhe reagimi institucional ndaj sistemit”.

Komuna e Malishevës, nën drejtimin e Daut Krasniqit (ish kryetar i Komunës), në mënyrë institucionale, kanë reaguar ndaj vrasjes së qytetarëve të saj, duke kërkuar përgjegjësi për ngjarjen dhe këtë çështje e kanë ngritur në institucionet më të larta në ish Jugosllavi, dhe në organet tjera ndërkombëtare. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë