Maliqi për anëtarësimin në KiE: Gjermania dhe Britania duhet ta ndihmojnë Kosovën që të mos pengohet nga shtetet kryesore të Europës

Njohësi i çështjeve politike, Agon Maliqi, ka thënë se deklaratat e qarta të Emisarit gjerman Sarrazin se Kosova e ka vendin në Këshillin e Evropës janë të mirëseardhura dhe të rëndësishme, transmeton Gazeta Metro.

Në një shkrim në Twitter, Maliqi ka thënë se është po aq e rëndësishme që Gjermania dhe Britania e Madhe t’i ndihmojnë Kosovës që të mos ketë pengesa nga disa njohës të pavarësisë së Kosovës në Evropë.

“Ky lloj i gjuhës së qartë nga i dërguari i Gjermanisë në Ballkanin Perëndimor është shumë i mirëpritur dhe i rëndësishëm. Megjithatë, do të jetë po aq e rëndësishme që Gjermania dhe Britania e Madhe të ndihmojnë për t’u siguruar që të mos ketë pengesa midis disa njohësve kryesorë në Evropë. Ky moment është i rëndësisë së madhe ku dështimi nuk është një opsion”, ka shkruar Maliqi.

Gjermania dhe Britania e Madhe përmes ambasadave të tyre në Kosovë, dërguan mesazh të qartë se e përkrahin anëtarësimin e Kosovës në Këshillin e Evropës.

Ndërkaq, ambasada e Francës në Kosovë, në një deklaratë tha se është vendim sovran i Kosovës për të aplikuar në Këshillin e Evropës por që prioritet për ta mbetet rinisja e dialogut me Serbinë. /gazetametro.net

This type of clear language by Germany's WB envoy is very welcome and important. Yet it will be equally important that Germany and the UK help make sure that there are no holdouts among a few key recognisers in Europe. This is a high stakes game where failure is not an option. https://t.co/xvvRnvqp9A

— Agon Maliqi (@AgonMaliqi) May 14, 2022