Loading…

Macron dështon në BE, paralajmëron për ‘krizë politike’ në Europë

  • 12/10/2019 | 12:49

Macron dështon në BE, paralajmëron për ‘krizë politike’ në Europë

Pas humbjes së kandidates franceze për në Komisionin e BE, Sylvie Goulard, Presidenti i Francës e ka rritur presionin ndaj Presidentes së ardhshme të Komisionit të BE’së, gjermanes Ursula von der Leyen. Gara për dominim në BE mes gjermanëve e francezëve po shkakton ndasi në rrethet diplomatike dhe paqartësi në procese si zgjerimi e Brexit, transmeton Gazeta Metro.


Presidenti i Francës Emmanuel Macron pas dështimit të kandidates së Francës për Komisionin e BE’së ka paralajmëruar për “krizë politike”.

Macron bëri thirrje, se duhet të kapërcehen tensionet.

“Ka një Komision të ri, një Parlament të ri Europian (…) që të dy po konfrontohen me një krizë politike. Nuk duhet të lejojmë, që kjo të avancojë më tej. Unë besoj, se është e rëndësishme të kemi një komision të fortë, që të mund t’i realizojë projektet ambicioze.”

Parlamenti Europian të enjten e refuzoi kandidaten franceze, ish-ministren e Mbrojtjes Sylvie Goulard,  për Komisionin e ri të BE’së. Ajo ishte propozuar të drejtonte sektorin e Industrisë dhe Tregut të Brendshëm në Komisionin e BE’së. Një problem për të ishin ndër të tjera edhe hetimet lidhur me një aferë për punësim të rremë. Kjo aferë bëri që ajo të tërhiqet nga posti i ministres së Mbrojtjes në vitin 2017.

Macron bëri drejtpërdrejt përgjegjëse për këtë dështim presidenten e ardhshme të Komisionit të BE-së, Ursula von der Leyen. Ai tha, se ajo vetë kishte insistuar për Goulard, të cilën e njeh nga koha si ministre e Brendshme dhe se kishte llogaritur me miratimin e saj në parlament. Macron duhet t’i jetë drejtuar von der Leyen me fjalët: “Kujdes, (…) do kemi diskutime.”

Një zëdhënëse e komisionit në Bruksel tha, se “as nuk e mohon dhe as nuk e konfirmon këtë”.

Sekretarja e shtetit në Francë për Europën, Amélie de Montchalin, e paralajmëroi Ursula von der Leyen, se Komisioni i ri me gjasë nuk mund të nisë më 1 nëntor sipas planifikimit punën e tij.

“Ursula von der Leyen duhet të thotë tani, se çfarë pret nga Franca”, kërkoi de Montchalin.

Në shtypin francez refuzimi i kandidates Goulard vlerësohet si një dështim i rëndë për Macron./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë