Lladrovci: Vota për Altinin, do të jetë votë me jehonë

Ramiz Lladrovci ka ftuar qytetarët ta votojnë Altin Jakup Krasniqin, me një foto nga Sheshi “Fehmi dhe Xhevë Lladrovci” në Drenas.

Kryetari i Drenasit konsideron se Altini i duhet Kosovës, Kuvendit dhe qytetarëve të komunës së Drenasit, për t’i thënë stop krizës, për ta ndryshuar Kosovën, ka shkruar ai.

Postimi i Lladrovcit në rrjetin social:

Drenasi ka pasur çdo herë përfaqësim në Kuvendin e Republikës, andaj, prania e Altin Jakup Krasniqit, do të jetë ogur i mirë, për komunën tonë dhe për krejt Kosovën. Vota për Altinin, do të jetë votë, me jehonë përtej kufijve, si një lajm për gatishmërinë e tij për të marrë përgjegjësinë si deputet.

Altini meriton të jetë në mesin e kandidatëve më të mirë në Kuvendin e Republikës, duke përfaqësuar dhe promovuar vlerat më të çmuara atdhetare, profesionale dhe të brezit që po vije, i vetëdijshëm për të djeshmen, të sotmen dhe të nesërmen tonë.

Altini i duhet Kosovës, Kuvendit dhe qytetarëve të komunës së Drenasit, për t’i thënë stop krizës, për ta ndryshuar Kosovën.

#PartiaDemokratikeeKosoves125
#BedriHamza1
#AltinKrasniqi20