Loading…

Lista Serbe: Me Mustafën nuk kemi biseduar për ushtrinë

  • 20/04/2017 | 19:24

Lista Serbe: Me Mustafën nuk kemi biseduar për ushtrinë

Lista Serbe ka hedhur poshtë pretendimet e bëra nga kryeministri i Kosovës, Isa Mustafa, se përfaqësuesit e saj kanë biseduar për krijimin e Ushtrisë së Kosovës.


Në një deklaratë për televizionin serb B92, Slavko Simiq, ka kërkuar që të përmendet vetëm një emër apo ata që paskan biseduar për ushtrinë e Kosovës. Simiq tha se asnjëherë nuk është biseduar kjo temë. Edhe përfaqësuesi tjetër i Listës Serbe, Slobodan Petroviq, poashtu ka demantuar që ka biseduar me dikë për ushtrinë, raporton Gazeta Express.

Kryeministri i Kosovës, Isa Mustafa ka thënë se ka pasur takime me përfaqësues të serbëve për formimin e ushtrisë, se arsyet për tërheqjen e tyre i ka mësuar në kontakte private, ku ai u njohtua se përfaqësuesit serbë janë të kushtëzuar dhe se ata nuk mund të marrin vendime pa qëndrimin e Beogradit.

Qeveria e Kosovës po përpiqet që të bindë serbët për të mbështetur themelimin e ushtrisë, formimin e së cilës e ka paralajmëruar për fundin e vitit. Qëndrimi i kabinetit të Mustafës është se kjo çështje nuk mund të diskutohet me Beogradin.

Mosmarrëveshjet politike mes anëtarëve të Listës Serbe, sipas Slobodan Petroviqit, po përdoren nga instiucionet në Prishtinë, duke bërë presion për të arritur një qëllim të caktuar.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë