Lirohet Donika Kadaj – Bujupi

Pas lajmërimit që deputetja e Lëvizjes Vetëvendosje është arrestuar në kufi me Maqedoninë, për disa vepra më të hershme tash bëhet e ditur se ajo është liruar.

Këtë për gazetametro.net e ka konfirmuar edhe Tinka Kurti nga zyra për informim e Lëvizjes Vetëvendosje.

Sipas Lëvizjes Vetëvendosje arrestimi i Donika Kadaj – Bujupit, vjen në kohën kur paralajmërohet sjellja e demarkacionit në Kuvend. Ndërsa këtë e quajnë provokim të situatës.

“Sjellja e këtij pushteti përballë opozitës është bërë e patolerueshme. Këto veprime të padrejta të një pushteti kriminal do ta tensionojnë situatën. Përndjekja e deputetëve e aktivistëve të ndalojë menjëherë. Marrëveshja për demarkacionin nuk duhet të vijë në Kuvend. Demarkacioni nuk kalon”, thuhej në një komunikatë të Lëvizjes pas arrestimit të deputetës. /gazetametro.net