Loading…

Ligji i trafikut shkon në Kushtetuese, kërkohet ndryshimi

  • 10/02/2017 | 16:41

Ligji i trafikut shkon në Kushtetuese, kërkohet ndryshimi

Avokati i Popullit i është drejtuar sot me kërkesë Gjykatës Kushtetuese për shfuqizimin e disa neneve dhe dy paragrafëve të Ligjit për Kundërvajtje, si dhe për pezullimin e menjëhershëm të këtyre dispozitave deri në vendimin përfundimtar të kësaj Gjykate.


Avokati ka kërkuar nga Kushtetuesja shfuqizimin e nenit 55, paragrafët 4–5 dhe neneve 56, 57, 58, 59, 60, 61, 62, 63, 64, 65, 66, 67 dhe 68.

Arsyeja e dërgimit të kësaj kërkese në GjK nga ana e Avokatit të Popullit ka të bëjë me faktin se Ligji në fjalë përmbyt parimin e gjykimit të lëndëve kundërvajtëse nga gjykatat përkatëse, duke e deleguar tek organet administrative dhe ekzekutive kompetencën për të gjykuar dhe për të vendosur sanksione në një varg rastesh kundërvajtëse.

“Vendimet e këtyre organeve i nënshtrohen vetëm një forme të kufizuar të kontrollit gjyqësor. Ky delegim i kompetencave gjykuese tek organet administrative dhe ekzekutive, paraqet shkelje të së drejtës për gjykim të drejtë nga një tribunal i pavarur, të garantuar nga neni 31 i Kushtetutës së Republikës së Kosovës dhe neni 6 i Konventës Evropiane për të Drejtat e Njeriut. Delegimi i kompetencave ka dy probleme kyçe: organet adminstrative dhe ekzekutive nuk janë të pavarura nga Qeveria dhe kontrolli gjyqësor i vendimeve të organeve bëhet nga Departamenti për Çështje Administrative i Gjykatës Themelore të Prishtinës, i cili s’ka jurisdiksion të plotë për të shqyrtuar të gjitha pretendimet faktike dhe ligjore në rastet paraqitura”, thuhet në komunikatën e Avokatit të Popullit.

Bashkë me kërkesën kryesore Avokati i Popullit ka kërkuar vendosjen e masës së përkohshme, përkatësisht pezullimin e menjëhershëm të dispozitave të kontestuara, deri në vendimin përfundimtar të GjK-së.

Avokati i Popullit tërheq vëmendjen se në mungesë të masës së përkohshme, derisa GjK të marrë vendimin e saj përfundimtar, ekziston rreziku substancial, që funksionimi i “organeve të kundërvajtjes”, të imponojë sanksione mbi persona të akuzuar, pa u dhënë këtyre personave qasje në një gjykim të pavarur. Në mënyrë që të shmanget funksionimi, kushtetutshmërisht i dyshimtë, i “organeve të kundërvajtjes”, vendosja e masës së përkohshme për pezullimin e dispozitave të konstestuara është e domosodoshme.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë