Liderët nderojnë lartë veprën e Kelmendit

Ngushëllime e fjalë të sinqerta u thanë sot për shkrimtarin dhe publicistin tashmë të ndjerë Ramiz Kelmendi. Kryeministri Isa Mustafa, Kryeparlamentari Kadri Veseli, ish-presidentja Atifete Jahjaga dhe Imzot Don Lush Gjergji u panë të pranishëm e disa edhe morën fjalën.

Në sallë ku po mbahet kjo mbledhje komemorative morën pjesë edhe akademikë të tjerë dhe familjarë të Kelmendit.

Figura e Kelmendit si publicisë, shkrimtarë, profesor por edhe gazetarë u nderua me disa fjalë nga kryeministri Isa Mustafa i cili në fjalimin e tij shprehu ngushëllime për familjen.

I pari i vendit Mustafa tha se Kosova ka humbur një njeri të dijes, e një gazetar të madh.

“Populli i Kosovës i është mirënjohës që Ramizi pas vetes la shumë gazetarë e njerëz të zotë”, u shpreh kryeministri.

Humbjen për shtetin e Kosovës e quajti të madhe edhe kryeparlamentari Kadri Veseli, që për Kelmendin tha se ka qenë një intelektual i cili me përkushtim shumë të madh punoi për vendin tonë./gazetametro.net