Libri ‘My Cat Yugoslavia’ i Pajtim Statovcit prezantohet në Washington

Libri “My Cat Yugoslavia” i autorit të ri Pajtim Statovci, do të prezntohet edhe në Washington

Ky libër është një tregim dashurie i cili përfshin një djalë, nënën e tij dhe një mace, por edhe personazhe tjera. Në Jugosllavinë e viteve 80-të, një myslimane martohet me një burrë që e njeh shumë pak. Federata më pas kalon në luftë dhe ajo largohet për në Finlandë, atje ku djali i saj Bekimi rritet si imigrant në një shoqëri e cila nuk e pranon edhe një fakt tjetër, se ai është homoseksual.

Një gjarpër bëhet shoku i tij më i ngushtë. Më vonë, në një bar homoseksualësh Bekimi e takon një mace që flet, e që bëhet shoqe. Dhe me macen ai bën rikthimin në Kosovë.

Ky është libri “My Cat Yugoslavia” i autorit të ri Pajtim Statovci, botuar para disa vitesh dhe fitues i disa çmimeve në Finlandë, do të ketë një prezantim special në muajin maj të këtij viti në Washington DC të Shteteve të Bashkuara të Amerikës, shkruan KultPlus.com

Statovci ka lindur në vitin 1990 ndërsa është larguar për në Finlandë kur ishte vetëm dy vjeç. Ai jeton në Helsink ndërsa studion letërsi në Universitetin e Helsinkit. “My Cat Yugoslavia” është novela e tij e parë. /gazetametro.net