LDK nesër zgjedh kryesinë e saj

Nesër në orën 17:30, partia e Isa Mustafës, LDK, do të mbaj mbledhjen e Këshillit të Përgjithshëm, ku do të zgjedhet kryesia e LDK’së, shkruan Gazeta Metro.

Përmes një njoftimi, LDK ka treguar se nesër në orën 17:30, në Selinë e LDK’së, mbahet mbledhja e Këshillit të Përgjithshëm të LDK’së ku do të diskutohen rezultatet në zgjedhjet e fundit të përgjithshme dhe lokale dhe perceptimi publik për LDK’në si dhe do të zgjedhet kryesia e LDK’së.

Ky është njoftimi i plotë:

“Nesër (e premte), më datë 23 gusht 2019, në orën 17:30, në Selinë e LDK-së, mbahet mbledhja e Këshillit të Përgjithshëm të LDK-së ku do të diskutohen rezultatet në zgjedhjet e fundit të përgjithshme dhe lokale dhe perceptimi publik për LDK-në si dhe do të zgjedhet Kryesia e LDK-së.

Mediet, janë të mirëpritura të marrin pamje në orën 17:30, ndërsa pas takimit Zyra për Informim publikon komunikatë për medie.”