Loading…

LDK: Fjalimi i Kurtit në seancën solemne ishte përçarës e ofendues

  • 17/02/2022 | 13:02

LDK: Fjalimi i Kurtit në seancën solemne ishte përçarës e ofendues

Lidhja Demokratike e Kosovës (LDK) ka reaguar ndaj fjalimit të kryeministri Albin Kurti që bëri në seancën solemne të Kuvendit, shkruan Gazeta Metro. 


LDK thotë se fjalimi i Kurtit ishte përçarës, ofendues dhe i pavend.

“Lidhja Demokratike e Kosovës vlerëson se fjalimi i sotëm i Kurtit, në seancën solemne të Kuvendit të Kosovës, ishte përçarës, ofendues, i pavend dhe i padinjitetshëm. Ai sulmoi opozitën, mediet dhe fjalën e lirë. Një fjalim i tillë nuk mund të mbahet në festën e Ditës së Pavarësisë. Duket që Kurti vazhdon të mos e përjetojë 17 shkurtin si festë e moment uniteti kombëtar të Kosovës. Ai edhe në këtë ditë të madhe, si para 14 vjetëve, zgjedh të ndajë e të përçajë popullin e Kosovës. Republika e Kosovës është vendi i vizionarëve politikë, i luftëtarëve, i dëshmorëve dhe i martirëve të lirisë, vendi dhe shteti ynë i përhershëm. Kush nuk e kupton, fyen sakrificën e popullit të Kosovës, siç bëri Kurti sot”, thuhet në komunikatën e LDK-së.

Opozita e Kosovës, ka lëshuar sallën e Kuvendit, derisa kryeministri i Kosovës, Albin Kurti po mbante fjalim në seancën solemne të Kuvendit.

Deputetët e PDK’së, LDK’së dhe AAK’së janë çuar nga ulëset e tyre dhe kanë dalë jashtë.

Kryetari i Kuvendit u ka bërë thirrje atyre që të sillen me dinjitet.

“Ju lutemi të sillemi me dinjitet, është dita e pavarësisë”, ka thënë Konjufca.

Opozita e lëshoj sallën e Kuvendit për shkak të fjalimit të Kurtit, i cili nisi t’i kritikoi ata dhe të flasë me merita për veten.

“Ne jemi shtet demokratik, kushtetuta jonë mbron lirinë e shprehjes e fjalën e lirë, njëjtë siç mbron lirinë. E tubimit dhe protestës. Si kryeministër i vendit e kuptoj dhe e pranoj që njerëzit do të thonë lloj-lloj gjërash çdo ditë për mua dhe unë do të mbrojë të drejtën e tyre për ta bërë këtë. Sepse lufta jonë për liri nuk ishte luftë vetëm për tu çliruar nga okupimi por edhe për të jetuar të lirë. Pra kemi luftuar që të mbrohet e drejta e secilit për të shprehur qëndrimet e saj dhe të tij edhe kur nuk pajtohemi me to. E megjithatë për të ecur përpara na duhet një mendim praktikë dhe jo vetëm kritik. Duhet të pajtohemi dhe të gjemë konsensus për gjërat më bazike[…]pra unitet i cili nuk e pamundëson kritikën dhe kritikë që nuk kalëron mbi unitetin”, tha Kurti. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë