Loading…

LDK do t’i bëjë publike financat, akuzon partitë opozitare

  • 26/01/2017 | 20:17

LDK do t’i bëjë publike financat, akuzon partitë opozitare

Kryeministri i Kosovës, Isa Mustafa, ka thënë se partia e tij, LDK, do të bëjë publike pasqyrën financiare, e cila do të jetë e qasshme për të gjithë qytetarët. Por ai ka kërkuar që edhe partitë opozitare ta bëjnë këtë, duke aluduar më shumë në VV’në e cila sipas tij, edhe pse lavdërohet se i ka publike financat, nuk tregon se nga i merr ato.


“Si kryetar I LDK-së kam kërkuar nga zyrtarët përgjegjës të LDK-së të kërkojnë zyrtarisht nga KQZ-ja që pasqyrat financiare të LDK-së të dorëzuara në KQZ të jenë publike dhe të qasshme për çdo qytetar. Do të aktivizojmë edhe Web-faqen e LDK-së dhe do të prezantojmë çdo cent të shpenzuar për partinë”, ka thënë Mustafa.

Mustafa, duke aluduar tek partitë opozitare në Kuvendin e Kosovës, VV, AAK, NISMA, ka thënë se edhe ato duhet ta bëjnë publike burimin e financimit.

Më shumë Mustafa është marrë me Vetëvendosjen, parti e cila është ndër të parat që ka bërë publikimin e financave, raport në të cilin i pari i LDK’së shpreh dyshime.

“Shpresoj se edhe subjektet të cilat po lavdërohen se i kanë bërë pPblike pasqyrat e tyre financiare do të pasqyrojnë se me cilat para dhe nga cilat burime është financuar gazi lotsjellës, shishet e mollotovit, sferat e qelqit, mekanizmat për rrotullimin e automjeteve, protestat e dhunshme… Burimet e financimit të subjekteve politike dhe shpenzimet e tyre duhet të jenë transparente”, ka shkruar Mustafa në facebook. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë