LDK bllokon demarkacionin nëpër komisione, nuk e lë të shkojë në seancë

Demarkacioni ka mundur të procedohej sot për në seancë dhe të jepej verdikti nga deputetët, mirëpo këtë gjë e ka bllokuar LDK’ja.

Vjosa Osmani si kryetare e Komisionit për Politikë të Jashtmë e ka pasur për obligim ta procedojë zyrtarisht për në mbledhjen e Kryesisë marrëveshjen për Demarkacionin, por Metro mëson nga burime brenda Kuvendit që ajo nuk e ka bërë këtë gjë.

Kështu, Demarkacioni ka mbetur i bllokuar në Komision dhe u bë e pamundur procedimi për në seancë, ashtu siç kërkonte Ramush Haradinaj.

Ndryshe, Haradinaj procedoi për në Kuvend marrëveshjen ani pse nuk pajtohet me të, por sipas tij, Kuvendi duhet të vendos përfundimisht për këtë çështje./gazetametro.net