Loading…

Lavdrim Muhaxheri nuk është në Kosovë

  • 05/01/2017 | 16:57

Lavdrim Muhaxheri nuk është në Kosovë

Policia e Kosovës, përmes një komunikate për media i ka hedhur poshtë raportimet e mediave vendore dhe ndërkombëtare, të cilat pretendonin se Lavdrim Muhaxheri është në territorin e Kosovës. Mediat serbe kanë raportuar se Muhaxheri po lëvizë lirshëm nëpër rrugët e Kosovës, gjë që hidhet poshtë nga Policia e Kosovës.

“Referuar disa shkrimeve ditëve të fundit nga mediat e ndryshme qofshin ato vendore apo nderkombëtare, veqanërisht spekulimeve nga disa media nga Serbia lidhur me vendndodhjen e të dyshuarit për terrorizëm Lavdrim Muhaxheri dhe deklarimeve të tyre se i njëjti ( Lavdrim Muhaxheri) me rreth 400 luftëtarë pjesë e organizatës terroriste ISIS është kthyer në Kosovë dhe lëvizë lirshëm, janë të pavërteta, qëllimkëqija dhe tendencioze për të krijuar ndjenjë të pasigurisë në opinionin publik”, thuhet në komunikatën e dërguar nga Policia.

Tutje, Policia e vendit thotë se lideri i grupit të shqiptarëve në ISIS është në ‘territorin e konfliktit Siri apo Irak’, informacion ky që bazohet nga bashkëpunimi me partnerët ndërkombëtarë dhe agjencitë e huaja të inteligjencës.

Ndryshe, ditë më parë ishte raportuar se Lavdrim Muhaxheri kishte mbërritur në Kosovë bashkë me 400 luftëtarë të Shtetit Islamik. Më vonë, edhe mediat ndërkombëtare dhanë të njejtin lajm, gjë kjo që hidhet kategorikisht poshtë nga Policia e Kosovës. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë