Loading…

Latifi për gjuhen agresive e Prindon Sadriut ndaj mediave: Shumë e rrezikshme

  • 09/02/2022 | 10:51

Latifi për gjuhen agresive e Prindon Sadriut ndaj mediave: Shumë e rrezikshme

Profesori i filozofisë si dhe opinonisti Blerim Latifi, ka shprehur shqetësimin e tij në lidhje me postimin që ka bërë, bashkëshorti i presidentes Osman, Prindon Sadriu, i cili i ka quajtura mediat ‘ndërmarrje e përbashkët kriminale’,  këtë përkufizim nga një zyrtar ndaj mediave, Latifi e ka quajtur të rrezikshme, shkruan Gazeta Metro.


Latifi përmes një shkrimi në Facebook ka thënë se ky kualifikim i gazetarëve si “ndërmarrje e përbashkët kriminale”, nga një zyrtar i lartë i shtetit dhe ky mosdurimi i tyre agresiv ndaj kritikës publike janë shumë të rrezikshme.

“Kjo gjuhë e zyrtarëve shtetërorë ndaj gazetarëve dhe mosdurimi i tyre agresiv ndaj kritikës publike janë shumë të rrezikshme.
Sot ne jemi larg situatës me të cilën përballen gazetarët në regjimet të tilla si ai i Putinit e i Erdoganit, por nuk duhet injoruar fakti se autoritarizmi fillon nga gjuha e kriminalizimit të zërave kritikë dhe mbjellja e frikës. Sepse, siç argumenton bindshëm Monteskje, diktaturat lindin dhe ushqehen nga frika. Kosova sot qëndron më mirë se të gjithë të tjerët në rajon në indeksin e lirisë së mediave dhe secili nga ne, që beson në demokraci, duhet të angazhohemi në ruajtjen e këtij avantazhi”, ka shkruar Latifi.

Postimi i plotë:

Kur një zyrtarë i lartë i shtetit mediat dhe gazetarët i kualifikon si “ndërmarrje e përbashkët kriminale”, atëherë, logjikisht dhe juridikisht, i bie që prokuroria dhe policia të shfaqen në ndërtesat e mediave dhe në banesat private të gazetarëve për t’i dërguar të gjithë në burg.
Kjo gjuhë e zyrtarëve shtetërorë ndaj gazetarëve dhe mosdurimi i tyre agresiv ndaj kritikës publike janë shumë të rrezikshme.
Sot ne jemi larg situatës me të cilën përballen gazetarët në regjimet të tilla si ai i Putinit e i Erdoganit, por nuk duhet injoruar fakti se autoritarizmi fillon nga gjuha e kriminalizimit të zërave kritikë dhe mbjellja e frikës. Sepse, siç argumenton bindshëm Monteskje, diktaturat lindin dhe ushqehen nga frika. Kosova sot qëndron më mirë se të gjithë të tjerët në rajon në indeksin e lirisë së mediave dhe secili nga ne, që beson në demokraci, duhet të angazhohemi në ruajtjen e këtij avantazhi.
Duhet ta fusim njëherë e mirë në kokë faktin se ky vend nuk ka luftuar vetëm për ta hequr qafe sundimin serb, por edhe për të mos lejuar që në mesin tonë, nga vetë veprimet tona, të lindin trajta tjera sundimit.
Dhe për fund një këshillë, të cilën e kam mësuar nga përvoja ime e shkurtër në institucionet e shtetit: ata që qeverisin përfitimet më të mëdha mund t’i kenë nga zërat kritikë dhe dëmet më të mëdha nga puthadorët dhe lajkatarët që u vijnë rrotull! Qofshin ata edhe burra e gra të atyre që qeverisin./gazetametro.net

Prindoni i Presidentes i referohet mediave ashtu siç Prokurorët e Speciales i referohen UÇK’së

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë