Loading…

Lajcak deklarohet pas takimeve me opozitën, tregon çfarë pajtueshmërie u arrit

  • 01/02/2022 | 18:55

Lajcak deklarohet pas takimeve me opozitën, tregon çfarë pajtueshmërie u arrit

Emisari i Bashkimit Europian (BE) për dialogun Kosovë-Serbi , Miroslav Lajcak, ka folur për takimet që ka pasur sot në Kosovë me krerët opozitarë të Partisë Demokratike të Kosovës (PDK), Lidhjes Demokratike të Kosovës (LDK) dhe Aleancës për Ardhmërinë e Kosovës (AAK), shkruan Gazeta Metro.


Lajcak me anë të një postimi në Twitter, ka thënë se ka dëgjuar me kënaqësi mirëkuptimin që ata kanë për rëndësinë e dialogut si dhe mbështetjen që ata i japin këtij procesi.

“Sot, Gabriel Escobar dhe unë u takuam me partitë politike opozitare në Kosovë. Me kënaqësi dëgjova mirëkuptimin e tyre për rëndësinë dhe mbështetjen për dialogun për normalizimin e marrëdhënieve”, ka shkruar ai.

 

Në këto takime, Lajcak ishte i shoqëruar edhe nga i dërguari i presidentit Biden për Ballkanin, Gabriel Escobar.

Escobar dhe Lajcak janë takuar të martën, veç e veç, me kreun e Partisë Demokratike të Kosovës, Memli Krasniqi, me kryetarin e Lidhjes Demokratike të Kosovës, Lumir Abdixhiku dhe me liderin e Aleancës për Ardhmërinë e Kosovës, Ramush Haradinaj.

Liderët e partive opozitare në Kosovë, gjatë një takimi që kanë zhvilluar të martën me Escobarin dhe Lajcakun, kanë thënë se një marrëveshje përfundimtare me Serbinë, duhet të bëhet duke mos cenuar sovranitetin dhe integritetin territorial të Kosovës, si dhe të përmbyllet me njohjen e ndërsjellë.

Më 31 janar, Escobar dhe Lajçak nisën vizitën e tyre në Kosovë, duke u takuar me presidenten e Kosovës, Vjosa Osmani dhe kryeministrin, Albin Kurti. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë