Loading…

Azem Syla kthehet në arrest shtëpiak

  • 24/03/2018 | 15:03

Azem Syla kthehet në arrest shtëpiak

Ish- komandantit të UÇK- së, Azem Syla i është caktuaë masa e arrrestit shtëpiak, disa javë pasi u lirua nga paraburgimi.


Burime të KALLXO.com kanë bërë të ditur se Gjykata e Apelit ia ka ndërruar masën e sigurisë Azem Sylës. Vendimi  pritet të ekzekutohet shumë shpejt.

Azem Syla që po akuzohet për tjetërsim të pronave shoqërore në Rastin “Toka”, u lirua nga paraburgimi më 12 mars.

Lajmin e lirimit të Sylës atëherë e bëri të ditur avokati i tij Besnik Berisha.

Syla u lirua nga paraburgimi, pasi EULEX-i hoqi dorë nga gjykimi i tij dhe të tjerëve, duke ua lënë rastin vendorëve.

Gjyqtari Beqir Kalludra do ta gjykojë Rastin “Toka”.

Aktakuza e parë, e parashtruar nga një prokuror ndërkombëtar i PSRK-së, është ngritur kundër 22 të pandehurve dhe përbëhet prej 46 pikave.

Të pandehurit akuzohen për veprat penale krim i organizuar, pastrim i parave, marrje e mitës, mashtrim i rëndë, mashtrim në detyrë, nxjerrje e vendimeve gjyqësore të kundërligjshme, keqpërdorim i pozitës zyrtare, legalizimi i përmbajtjes së falsifikuar dhe evazion fiskal.

Aktakuza e dytë e ngritur nga i njëjti prokuror akuzon 17 persona për pastrim të parave.

Sipas aktakuzës, anëtarët e këtij grupi të organizuar kriminal kanë bashkëpunuar mes vete, secili me rol të caktuar, për t’i privuar Kosovës pronat shoqërore përmes veprimtarive kriminale, duke përfshirë falsifikimin e vendimeve dhe dokumenteve të tjera zyrtare, mashtrimin dhe veprimeve korruptive.

KALLXO.com siguroi edhe aktakuzën prej 264 faqeve ndaj Sylës dhe të tjerëve ndërsa të gjitha raportimet lidhur me këtë rast mund t’i gjeni në këtë link.

Në dhjetor të vitit 2016, Azem Syla ishte deklaruar i pafajshëm.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë