Kuvendi: 67 mijë euro për dreka zyrtare, ndërsa 91 mijë euro të tjera për udhëtime të deputetëve jashtë vendit

Gjatë gjashtë muajve të parë të këtij viti vetëm për dreka zyrtare Kuvendi i Kosovës ka shpenzuar hiç më pak se 67 mijë euro, derisa për akomodime të deputetëve të Kuvendit gjatë udhëtimeve jashtë vendit buxhetit të shtetit i kanë kushtuar 91 mijë e 187 euro, shkruan sot Gazeta “Zëri”.

Gjatë gjashtë muajve të parë të këtij viti 2 milionë e 39 mijë e 978 euro të buxhetit shtetëror janë shpenzuar për pagat e deputetëve të Kuvendit të Kosovës, për pagat e administratës së Kuvendit janë shpenzuar 1 milion e 108 mijë e 767 euro e për stafin mbështetës politik 405 mijë e 360 euro.

Totali i shpenzimeve për pagat e tyre kap shifrën e 3 milionë e 554 mijë e 106 eurove.