Loading…

Kurti thirrje Abazovicit të reflektojë për korrigjimin e Demarkacionit: Jemi gati, po presim

  • 22/06/2022 | 13:16

Kurti thirrje Abazovicit të reflektojë për korrigjimin e Demarkacionit: Jemi gati, po presim

Kryeministri i Kosovës, Albin Kurti, ka folur për çështjen e korrigjimit të Demarkacionit me Malin e Zi.


Në Kuvendin e Kosovës, Kurti tha se pret reflektim edhe nga Qeveria e Malit të Zi me në krye Dritan Abazoviqin.

Kjo pasi që sipas Kurtit, presidenca malazeze ka shprehur gatishmërinë dhe pajtueshmërinë për rishikim e korrigjim të gabimeve të bëra.

“Së bashku me Qeverinë e Malit të Zi duhet të formohet Komisioni i Përbashkët për korrigjimin e gabimeve në Demarkacion. Duhet të formohet në momentin më optimal. Ne jemi gati, duhet të pritet Mali i Zi në formimin e Komisionit. Ekspertët vendor kanë punuar në këtë drejtim. Besoj që edhe Qeveria e Malit të Zi do të reflekojë pasi presidenti Gjukanoviq ka shprehur gatishmëri. Vetëvendosje e ka kundërshtuar versionin e nënshkruar”, tha Kurti.

Sipas Kurtit, së pari është dashur të ketë rishikim e pastaj korrigjim, por që Qeveritë e mëparshme sipas tij gabuan në hapa.

“Në Qeveri është aprovuar raporti me mbi 800 faqe por mendimi që ne kishim është se së pari rishikim e pastaj ratifikim. Qeveria e asaj kohe veproi keq me së pari ratifikim e pastaj korrigjim. Pala malazeze është shumë e varur nga raportet politike në vendin e tyre. Jemi të gatshëm dhe në pritje”, tha Kurti.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë